Teatro popular asturiano: Como el furmientu y el pan

Nun merez la pena; basta que te arremangues una vez pa que..., ya sabes. Non...

Nun digas que te pesa, porque si fuere verdá, nun te quedabes asina como pan moyao.

El demonio y tú sois una mesma persona: vas a conseguir que pierda'l xuiciu.

Non, que voy tener que encender el llar otra vez.

Ya que por to culpa perdí tantu tiempu, ¿quies mirame a ver si ta bastante roxáu?

(Vanse las dos por la derecha. Entran por el mismo lado Tomás y Rosina)

Cariñín, ¿nun t'acuerdes de que fay un añu que andamos xuntos? Fue por esti mismo tiempu.

¿Y acuérdeste tamién cuando fui contigo por primera vez a llevar les vaques a La Iría? ¡Qué coloraína dibes! Nun te atrevíes a falar ná, nin queríes que fuera al lau tuyu, teníes que llevar al pirru en medio...

Ya, debía ser medio tonta. Yo creo que siempre fui un pocu.

¿Por qué dices eso? Que yo sepa tú nun tienes un pelu de tonta.

Non, nun ye que sea precisamente tonta; ye que nun soy como les otres.

¡Bah!, nun te compares a les otres, que non hay denguna que te iguale.

¿Sabes a qué tengo mieo, Tomás?

Qué sé yo, a cualquier tontería.

Sí, debe ser una tontería.

Verás, ye que yo..., ¿Tú nun me ves demasiao neña?

Yo véote joven, pero neña, non.

Vas a llegar a conoceme tanto, que pue que nesi momentu nun te guste, y entonces dexaré de ser una sensación pa ti.

¡Tú qué dices, cariñín! Tú pa mí serás siempre la meyor moza, la más salá, nun dexaré un solu día de querete, y pa mí serás sensación mientras vivas. ¿Nun se alcuentren a una persona capes nueves a ca pasu? Pues yo a ti, ca día te alcuentro algo nuevo que me llena más ca vez...

¿Por qué m'empezaste a querer, Tomás?

Porque yeres única, porque desde guaje, siendo tú una mocosa, empecé a distinguite ya. ¡Yeras tan guapina! Y to la vida, cuando suañaba con tener moza, yera en ti en quien pensaba; cuando na cama abrazaba y besaba l'almuá, yera a ti a quien besaba. Dimpués creciste, y cuando pasabes al mio lau, poníame hasta nerviosu, y daba la güelta pa mirate. Por eso empecé a querete agora. ¿Crees que podré olvidate?

Cielo mío, nun te atormentes pensando eses coses...

Non, nes pensaré más. (Se recuesta sobre el hombro de Tomás, quien la abraza e intenta darle un beso, pero en aquel crítico momento entra Pepa y se separan).

¡Hay que ver, hay que ver, les coses que pasen nesti mundu! Si nun ye pa reíse, que'l diablu me lleve... Ah, tábeis ahí, nun vos había visto. ¿Sabéis lo que pasó, mejor dicho, lo que se diz pel pueblu?

Muyer, qué va ser, que Salustia va casase.

¿Sí? Con quién, ¡oh!

Con Félis el de Carna, el tuntu isi, que meyor taba de dolor de tripes, que cargar con Salustia. Non, si ya dicía yo que tardaba en pescar, porque toes eses siempre alcuentren dalgún tapaera.

Ta me cuesta trabayu creelo.

Pues nun te cueste, que aseguráronmelo a mí; y, a más, últimamente atrapáronlos xuntos dalguna vez. Así que el tuntu isi gustó-y cómo trabaya Salustia, y agora cásase con ella. Non, si yo siempre dixi que los homes sois tontos...

Ísi ye por demás, porque vamos... ¿Sabe usté lo que facía, tía Pepa?

¡Qué faría esi pazguatu!

Pues espiar a Salustia cuando andaba con unos y con otros, y luego cuntábamoslo con una juerga de mieo. ¡Y agora que cargue con ella! Tien que ser más que tuntu.

Rewcoño, dalgunes muyeres qué puerques son, pero dalgunos homes qué palos merecíen. Ná, como los perros, que en cuanto ven una perra, acabóse-yos lladrar.

¡Qué pena me da de Felis, la vida que va llevar con esa pécora, y to dirá bien, si dimpués de casá nun y-las-arma...

Prubín, ¿tú cres que nun va ser ná cornúu? Ya verás: ¡asina de grandes!. Si la que meles mañes tien, tarde o nunca se y-quiten.

Eso sí que ye verdá. (Suena una campanada)

¡Dios, qué tarde debe ser! Fíos, dime nun menutu po les vaques, que va facéseme tarde pa catar.

Sí, vamos, Rosina. (Salen por la derecha).

(Entra por la derecha hablando solo). Hay que ver, hay que ver, si ya tardaba muncho en cayer, y por fin, cayó. ¡Probes guajes pequeños, qué vida van a llevar! Ya el grande, ési, ná. Casaráse con la mio Rosina, y arregláu. (Entra Pepa por la derecha).

¿Qué estás marmurando, oh?

¿Ta nun sabes la noticia?

Sí, ¡oh! Que esi mazcayu de Félis cásase con Salustia.

Sí, eso dicen pel pueblu tamién. Pero, non, hay otra cosa.

¡Demonio, qué habrá pasao! Y yo sin enterame.

Pues que Serafu va casase.

Con esa zurripuerca que andaba tras dél.

¡Alabao, alabao, qué diañu y-habrá entrao a Serafu pa decidise desa manera!!

¿Qué te paez que será? (Hace un gesto alusivo al embarazo)

¡Probe Ramona! Si llevantara la cabeza y viera al so homón, sé yo que golvía a morrer del sustu. Por eso, estos homones pasen mejor en sin comer que en sin muyer... Probes guajes, qué pena me da dellos.

Pues, sí, dixéronmelo unos mozos, y dixéronme tamién que diben prepara-y una cencerrá pa mañana, pero de les sonaes.

¡Ay, recoño!, esa cencerrá na pierdo yo, y pienso d'echa-y unes bones cuartetes, eso sí, ¡qué bien! ¡Bomba! ¡Siga! (Gritando)

¡Muy bien, muyer! Hay que apuntalo pa que nun se mos olvide.

Tol tiempu que media hasta mañana tengo pasalu discurriendo-y cuartetes a esi mosquilón. ¡Mira que casase! ¡Qué falta y-faría teniéndolo too. Non, si digo yo siempre que el que males mañes tien, tarde o nunca se y-quiten, y ye verdá. Pero, anda que ésta nun va ser tan bobina como Ramona, ya verás como a vaca corniaora nunca y-faltaron cornaes.

Serafu casarase, pero paez que detrás va facelo Tomás; nun y-veo yo conformidá pa aguantar una marcolfa.

Güeno, pa nosotros cuanto primero casemos al a fía, meyor. Ya me ta a mí faciendo carga tanto cortexar.

Sí, sí, la fía hay que casala pronto: na quio yo ver per ahí de mala manera.

Pues, ya verás: meyor ocasión que agora na vamos a encontar.

Tú fay toos los posibles, pa eso yes muyer.

Desde'l primer día que toi dándo-y a Tomás toes les facilidaes posibles pa que cargue con ella. (Suenan unas esquilas). Ahí vienen co les vaques. Anda Quico, vete atales y prepara pa catar. (Sale Quico por la puerta derecha, y casi al mismo tiempo entra Tomás por el mismo sitio).

¡Ah!, ya llegastis.

Sí, oh, ya tamos aquí. Bien creí que nun díbamos a llegar hoy.

Escapósemos la xatuca más pequena y tuvi que dir corriendo tres della cuasi que hasta La Iría.

¿Sí? ¡Qué mala, cuánto te fexo sudar!

Y que lo diga. (Se sienta).

¡Probe Tomás! Vaya lo que te fexo correr. Verás, voy sacate un xarru vino, y cun él un pocu xamón. Verás asina qué pronto te pasa la sudá.

Non, nun se moleste, que nun ye ná.

¡Cómo nun me voy a molestar per ti!; si fuere per otru; pero per ti, nun faltaría más. (Entra Rosina por la derecha). Rosina, saca-y a Tomás un poco de vino, y corta-y un poco de xamón que ta tou afogáu por correr tres la xata.

¡Qué airón más calentón fay!

Ya, ye l'aire les castañes.

Peru, muyer, ónde vas con too eso.

Pa ti, tontín. (Le hace un guiño, besa la punta de sus dedos, y se los pasa delante de sus labios). Anda, cúmilo, pa que te pongas fuerte. (Pican a la puerta)

¿Amira quién ye, Rosina?

Home, ye usté, pase, pase.

Bonos güeyos te vean; paez que agora nun vienes tanto per aquí a vemos.

¡Bah!, total ye igual viniendo'l mio fíu.

Igual, non: muncho meyor.

Vaya, fíu, paezme que te traten bien.

Siéntate un pocu, Serafu, y pincha algo con Tomás.

Sí, voy pinchar un pocu, que a estes hores apitez.

¿Qué te trai per aquí, Serafu?

Ná, venía a ver a Quico, que va cuantayá nun lu veo.

Pues tará catando, porque fay ratu que salió a la cuadra, y tenía allá les zapiques.

Voy acercame a velu y charrar un pocu. (Sale por la derecha).

Sí, vaya que na cuadra ta.

Caime un pocu rara esta visita de to padre, ¿a qué vendrá?

¿Sabe que tamién a mí m'estraña un pocu? Fay unos díes que lu alcuentro algo cambiáu. Algo debe pasar a mio pa.

Si nun-y pasa, ya y-pasará.

Yo, saber, ná. Digo que si agora nun y-ta pasando ná, que algo verá venir que lu trai preocupáu.

Sí, eso ye verdá. Tú ya yes grande bastante pa decidir y saber lo que te convién.

¿Quies que te saque más vino, Tomás?

¿Qita pallá, muyer; ¿tú quies que m'emborrache?

Nun será tanto, ¡oh!

Home, sí, ye tantu vino que podíes emborrachate. Voy sacate otro poco...

Non, Rosina, nun quiero más, de verdá.

Güeno, nin, como tú quieras. (Entran Serafu y Quico, que lleva una zapica)

Dígovos yo que podéis tar seguros del mió Tomasón: nun tarda'n cayer nin mediu añu.

Como nun seya primeru..., nun sé. ¿Qué favor queríes, Serafu?

Ná, ye poca cosa..., ye que, veréis..., toy asina comu nun aprietu, y necesitaba, claro, unes perres...

¡Mal rayu t'esfueye, Serafu!: cuatromil riales ná más... Y too por esa llagartona... ¿Condenaos los dos! Ya pues preparate que mañana van chate una bona cencerrá. Fíxate que yo mesma, yo, pienso dir y dicételes gordes, por tuntu. ¡Amira que casase!

¡Nun me fastidies! ¿Una cencerrá a mí? ¡Condenaos! Lo que me faltaba. Fixisti muy bien en avisame, que mañana voyme dormir al caburnu.

Tú, muyer, llengua trapu pel estilo en mio vida la vi. agora estropiástemos la fiesta.

Dexaivos de monsergues, y vamos falar formal. ¿Pueo o non, cuntar co les mil pesetes?

Prestarételes, pero cun una condición.

Condiciones, les que quieras.

La condición ye que m'asegures que'l to Tomás cásase antes de los seis meses.

¿Sí? Entós, pués prestame les perres, porque d'eso toi yo tan seguru como que hoy ye xueves.

Nun veo yo que tes tan seguru, Serafu.

Sí, Quico, sí, dígote yo que sí; pero ¿por qué díbais a desconfiar?

Pues porque hoy non ye xueves, Serafu, ye vienres.

¡Coño!, pues ye verdá, ja, ja, ja... Güeno, pal casu, ye igual.

Fíxate, Serafu, no que dices, porque como pase como con los díes, sácote les tripes y el corazón.

Güeno, Pepa, güeno, ya verás cómo ye verdá, muyer.

Nun sé..., muncho nun hay de qué fiase. Voy buscate les perres. (Sale por la izquierda).

Esta muyer mía ye lista como una ardilla; ¿nun te fixes?

Sí, ¡oh!, home, nun hay otra muyer na comarca como ella; bien lo dicía l'otru día D. Celestino el Cura: ésta ve les yerbes nacer.

Sí, sí, ye verdá. (Entra Pepa por la misma puerta por donde salió).

(Dándole el dinero). Si eses perres son pa casate, alcuérdate d'elles en plena lluna de miel, nun vaya ser que se t'olvide degolveles.

¡Vaya!, esta Pepa, como siempre.

Sí, tómalo a guasa, que tengo mieo que desque morrió Ramona, andes per ahí empufáu...

Nun tengas cudiáu, que les coses marchen bien.

Ven, Serafu, vamos moyar el gargüelu.

Sí, que de tantu falar, téngulu un pocu ásperu. (Apártanse hacia la mesa).

(Hablando al público). Esti homón, como toos los homones, en cuantes que y-os falta la muyer, nun saben más que andar per ahí tres d'eses fraxilones... Y el miu, igual, ahí onde lu veis medio mosca muerta. Si allego falta-y yo, ya veriéis qué moo d'espabilar... (Llaman a la puerta).

El cobrador del Banco de Gijón.

Pase, pase. ¿Qué ye lo que se y-ofrez? (Se acercan Quico y Serafu)

Pues venía a cobrarles a Uds. dos mil pesetas.

¿Dos mil pesetas? Recoña, esto ye un timu. ¿Usté, con qué cara s'atreve a pedime a mí dos mil pesetes?

Con la cara d'esta letra firmada a un año vista.

Güeno, déxala aquí, que dimpués de tar viéndola un añu...

Calla tú, Quico, déxame a mí entendeme con esti... fulanu. A ver, esplíqueme a mí tou esi negociu...

Muy bien, señora, se lo explicaré. Primero, ¿vive aquí Francisco Álvarez Ordóñez?

Pues, bien, este señor firmó aquí, véalo bien claro...

Esa firma paezse a la del mió Quicón, pero nun creo que seya la dél.

Vamos, señora, no diga tonterías. Se ve bien claro que dice Francisco Álvarez.

Nun to yo cuenta d'haber firmao ná; a lo meyor sí, pero sería borrachu, d'otra manera...

Eso ya ye otra cosa, ya me paicía a mí un pocu rara esa firma; alguien t'engañó tando borrachu; lo que yo dicía, un timu... Llárguese d'aquí inmediatamente, o meto-y la pala dientes pe la barriga; ¿nun y-da vergüenza aprovechase de la xente d'esa manera? Non, si lo que ye, el día que yo falte d'esta casa...

Señora, no me canse de aguantarla y escuche: esto no es un timo, porque el Banco de Gijón es una entidad muy seria. Yo tampoco soy un timador como para salir delante de una pala de dientes, como Ud. dice. Y por otra parte, líbrese de hacerlo, porque entonces voy en busca de la Guardia Civil, y las cosas cambiarían... Su marido de Ud. firmó como fiador hace un año por el Sr. Serafín Díaz Casariego en casa de D. Laudelino Fernández Rodríguez; y éste entregó dos mil pesetas a Serafín, quien se comprometió a devolver el dinero antes de un año. Al no efectuar la devolución, el Banco de Gijón cobra a su fiador D. Francisco por carecer D. Serafín de bienes a su nombre. ¿Se entera, señora?

¡Ah, paisanu, Usté dexóme pará! ¿Ye verdá too esto, Serafu? (Fuera de sí).

Ya cuasi que nun m'acordaba, pero paezme que ye verdá. agora mesmo voy ver a isi pirru de Lin pa canta-y les cuarenta per l'angatá que mos armó.

Al que y-l'armó bona foi a mí, non a ti.

(A grandes voces). ¡Quitu, Serafu, nun te vaigas marchar agora, que entá hay muncho que falar. Y tú (a Quico), asquerusu, voy metete los puños pe la cara. ¿A qué diablos firmes tú ná, en sin preguntámelo a mí? A isti home voy terminar per pegá-y un tochazu, porque si non termina él comigo. ¡Qué meyor que s'hubiá matao él en llugar de la mió Galinda! ¡Cuánto mos hubiá aforrao! Y Usté, ¿qué fay que nun marcha ya? Nun tengo pansao paga-y...

Como Ud. diga, pero tenga en cuenta la señora que, si no paga, el Banco embargará, y se quedará con la mejor finca que tenga.

¡Sanantonio, qué te fixi yo pa que asina te portes comigo! Pa qué nun mandes pal infiernu d'una vez al mió Quicón, a Serafu..., y a toos los del Bancu. (Entran Tomás y Rosina por la derecha).

Amira, Tomás, quiérote pa la mió fía porque nun te paeces en ná al to padrón; yes igual que la probe Ramona, que en paz estéa; que si fuéras igual que él, agora mesmo salíes d'esta casa d'estampía, y pa nun golver más.

Pero..., ¿qué foi lo que pasó?

Ya lo sabrás. Agora, dir, sacai el guchu mayor de la corralá y llevailu an casa Rufo el tratante, y que vos lu pague nel actu, que tengo falta les perres; que y-lu-doy en lo mesmo que m'ofrezú l'utru día per él... (Vanse).

¡Cállame, Quico, o nun respondo de mí!.

Señora, la cosa no es como para ponerse así.

Oiga usté, como se llame: a usté ná y-importa pa metese en ná. Voy a paga-y, y andando. Y si nun y-para esa risina que me saca, córtoila yo con una pala dientes. (Se oye'l gruñir de un cerdo).

¡Ay, mió probe guchu, per ónde vas!, con la estima que yo te tenía, per algo te crié yo mesma en casa; quién diba pensar que mos díbamos a separar d'esta manera; ¿nun yera meyor que me llevaran al mió Quicón, aunque fora pa la cárcel?

Pepa, nun te desgustes, que yo pienso de cumplir cun too.

Nun me fales de cumplir, Serafu, que te conozo bien: a ti, hay que cobrate nel actu; asina que vete pensando cómo vas arreglate pa que la boda nun salga d'esti mes, y amira que sólu falten venti díes.

Güeno, Pepa, si ési ye'l preciu que y-pones a la deuda, ya pués cuntar conel; pa mí ye muncho más fácil, y pa ti, va ser meyor.

Ye l'únicu preciu que se pue poner, porque les perres, paezme a mí que ya les vi. Y tú, Quico, mírate bien, porque a la prósima nun te perdono: échote fuera casa pa siempre xamás y un día. (Entran Tomás y Rosina).

. Ten, ma, tresmil doscientes pesetes.

Esi bandidu aprovechóse de la oportunidá: rebaxó cincuenta pesetes del utru día a hoy; ¿ves tú lo que faes? con estes antroxaes, too sal asina. Tenga usté les dosmil pesetes y métales allí, en conserva.

Señora, suyo es el recibo, y quédense ustedes con Dios.

¡Hala!, que y-dé l'aire... na pernera. (Se sienta). ¡Hay, Virxen de los Dolores! Vaya un marido más tuntu que me disti. ¿Visti, visti que azaría? Agora ya pués tar cuntintu. ¡Ay, qué calor m'entra! Toi poniéndome mala, danme unos escalientafríos pel rosariu....

.¡Ah, ma! ¿Quier que y-vaya buscar un floritu y fágo-y-lu?

Sí, fía: búscalu y failu. (A Quico). Tú, ven acá, ven comigo a l'habitación. (Sale Rosina por la derecha; Pepa y Quico, por la izquierda).

Ven acá, fíu, tengo que falar un pocu contigo.

Tomás, les coses tán poniéndose al roxu, y tengo d'alvertite pa que nun muerdas nel anzuelu.

Verás, déxame esplicate: como pués ver, tenemos una bona amistá con Quico y la muyer; claro que esta amistá ya l'había antes de que tú cortexaras a Rosina. Y yo, en sin dame cuenta cuasi, pues pedí-yos unos favores, y ellos, sobre too Pepa, fixéronmelos de muy bona gana. ¿Tú, por qué crees que me los fixeron de tan bona gana?

Porque son muy bones persones.

¡Quiá!, nun lo creas, nun seyas tuntu; fixéronmelos porque asperen que tú te cases pronto con Rosina.

Sí, pué que seya per eso.

Pues, per eso quería yo dicite que lo meyor pa ponelos cuntentos ye deci-yos que pienses casate enseguía; ellos quédense como unes pascues, y tú llárgueste pa Xixón pan casa to tíu, que ya sabes que nagua per llevate.

Nun creo que yo y-faga esa xugá a Rosina.

Sí, tontón, ¿qué necesidá tienes tú de casate tan lluéu?

Escucha, pa: si nun tuviá ganes de casame con Rosina, fay tiempu que hubié marchao con mió tíu. ¡Pero tú sabes cómo yo quiero a Rosina!

¡Tontón, yes un pipiolu, has de alcordate de lo que yo te digo!

¡Ah, pa!, nun sé yo por qué me das esos conseyos, y nun te los apliques a ti mesmu, que ya me enteré yo per ahí que dibes casate enseguía.

Yo soy diferente, Tomás, pueo facer lo que me vien en gana.

¡Con que pués facer lo que te vien en gana, eh! Pues yo tamién lo pienso facer, y hoy mesmo dígo-y-lo a Rosina pa que mos casemos cuantiantes. ¿Cres tú que diba yo aguantar una marcolfa'n casa, usando too lo que yera de mió ma, faciendo burlla de mí, y pué que de ti tamién?

¡Amira'l piuyu isti! Si se te mete nel rixu casate, failo; pero a mí nun me pidas denguna perra. Tan bonos los tiempos.

Nun me faen falta, pa, ye les sacaré yo d'onde puea. ¿O cres que mió tíu nun me les dibe pretar. Ya lo creo que sí, con lo que me quexo él siempre.

Eso ye lo que te salva.

¿Yera too eso lo que queríes dicime?

Sí, eso yera, pa qué más. Ya lo palparás.

Yo bien voy, pa. Amira tú lo que faes, que otra como ma...

Fay el favor, Tomás, nun me recuerdes coses penoses. Yo quixi date un bon conseyu y tú nun lu quies tomar. Allá tú. Que nunca te pese'l nun habeme escuchao, nin habeme fexo casu.

Aspero que non. Tú arregla tus coses, que yo ya arreglaré les míes. (Entra Rosina). Rosína, Rosina, quería dicete algo, pero nun sé cómu emprecipiar.

Sí, tengo muncha facilidá de palabra a veces..., pero agora toi tan emocionáu, que nun acierto.

Si serás magüetu hasta pa eso. A lo meyor lo que quier dicete ye que piensa casase.

.¿Qué?, ¿ye verdá eso?

Sí, Rosina, ye verdá: quiero que mos casemos pronto, y ya que está aquí mió pa, quiero dicelo a to ma..., y a ver...

.¡Ay!, nun sé qué me paez. Nun sé si poneme cuntenta o chame a llorar.

(Simulando voz femenina). Podíes chate a llorar.

.(Se abraza a Serafu llorando). ¡Ay!, tíu Serafu, creo que me voy golver lloca.

Calla ya, y cun eso déxeslo arreglao; seguramente ya te ta pesando. Mira, fíu: si te pesa algo el pasu que acabes de dar, pue arreglase igual o meyor entavía que antes. Asina dexámoslos más cuntentos, y tú llárgueste mañana mesmo pa Xixón, y del dichu, nun hay ná.

Si serás pirru y melu: nun m'estraña ná de la vida que y-fixisti llevar a mió ma, pero yo a Rosina nun y-pienso facer lo mesmo, ¿sabes? Nun pienso golveme atrás per ná del mundo; entérate, y pienso casame lo antes posible pa que rabies más.

¡Rabiar yo! ¡Tas arregláu, nin! Como nun rabies tú con esa páxara que va cayete encima... (Salen Pepa, Quico y Rosina).

¿Qué ye lo que acaba de diceme Rosina? ¿Ye verdá eso, Serafu?

Ven que t'abrace, fiu del alma, pero vamos a ver, tú...

Yo quería pedí la mano de Rosina hoy mesmo.

Escucha, fíu, dame muncha pena casar a Rosina, pero como ye pa ti, que sé yo que yes un bon rapazu, y tires a la raza de to madre, que bien merez tar nel cielu, y como bien pensao, con la mano sola nun dibes facer gran cosa, dóitela antera.

(Echando una mirada torva a Serafu). Si allegues a paicete al to padrón, nun te dexo nin acercate a ella.

Enhora buena, rapaz. (Estrecha la mano a Tomás, y luego a Serafu). Serafu, vamos ser consuegros.

Aspero que mos seya p'algo de provechu.

Hoy ye día grande pa toos y hay que celebralo. Quico, saca un poco de sidrina. Rosina, trai unes castañes. Y tú, Tomás, prepara'l tambor. (Se van todos).

Ya ves, Pepa, yo cuando digo una palabra, cúmplola.