Marina Fernández González
(II)
De unos papeles de Marina...
"Qué pasará per Morea..."
¡Qué pasará per Morea:
anden vaques en parexa,
suena rinchar la ruea'l carru,
tolos guajes traen chalequín,
y la picona montera anuncia que hay festín!Ye la fiesta les fabes con morcietsa:
madreñes, palu..., too val pa celebrar.
El calzón asoma na pernera
del traxe rexional.Les muyeres, un trapu na cabeza,
mandilín y saya sobre saya puntietsás,
munches ganes de cantar,
sidra, mosto, casadetses,
ya nun hay ónde se sentar.Falten los humanitarios:
tan baitsando, ¿ónde tarán?
Nel Campu la Ilesia,
reporten vinu y pan.Hasta Manolín de La Casa Nueva
abría la boca too lo que y-daba.
Y Brañetsa, el padre,
con la gaita y el chaleco,
cantaba una asturianá.Puénxose-yos el corazón grande
que ya nun yos-cabe atsá.
Y eses cestones que sorteen,
sabe Dios a quién tocarán;
nin mos dixeran pa ónde dirán parar.Y la carroza de la tercera edá
va temblando como toos etsos:
rezáy pa que nun tsueva,
que too vos lo va estropiar.José Ramón el tasista
ta asustáu de tanta fiesta.
Canero tomó muncha sidra
con la ronquera y too.
Y ta a la puerta la ilesia,
pa subastar pan d'escanda,
o asemeyao, que lo mismo da.Los empleaos del banco y de correos
paez que son toos vaqueros,
con en palu de arrear.
Gústa-yos eso, ¡qué más da!.
Ye'l so patrón de la seronda en Morea.
Ye'n Navidá, y ná más.
Marina.
Volver a Informantes por los pueblos
Trabajos y publicaciones del autor:
Julio Concepción Suárez.